ابن عباس ؓ سے دریافت کیا گیا ، کیا آپ نے رسول اللہ صلی ‌اللہ ‌علیہ ‌وآلہ ‌وسلم کے ساتھ نماز عید پڑھی ہے ؟ انہوں نے فرمایا : ہاں ، رسول اللہ صلی ‌اللہ ‌علیہ ‌وآلہ ‌وسلم (نماز عید کے لیے) تشریف لائے تو آپ نے نماز پڑھائی ، پھر خطبہ ارشاد فرمایا ، اور انہوں نے اذان و اقامت کا ذکر نہیں کیا ، پھر آپ خواتین کے پاس تشریف لے گئے تو انہیں وعظ و نصیحت کی اور انہیں صدقہ کے متعلق حکم فرمایا ، میں نے انہیں دیکھا کہ وہ اپنے کانوں اور اپنی گردنوں سے زیور اتار کر بلال ؓ کے حوالے کر رہی ہیں ، پھر نبی صلی ‌اللہ ‌علیہ ‌وآلہ ‌وسلم اور بلال ؓ آپ صلی ‌اللہ ‌علیہ ‌وآلہ ‌وسلم کے گھر کی طرف چلے گئے ۔ متفق علیہ ۔